Abuztuaren erdialdetik hona koronabirusagatiko ia 60 positibo eta bost hildako izan dituen Elorduy zahar-egoitzaren berri eman genizuen atzo. Besteak beste, ofizialki kutsatutako hamabi egoiliar zeuden artean. Bertako zuzendaritzak HIRUKAri gaur jakinarazi dionez, egindako azken PCRetan negatibo eman dute horietako hamaikak eta bakar baten emaitza falta da, baina hori ere negatiboa izango delakoan daude zentroko arduradunak.
Fernando Ibarra zuzendariaren esanetan, aste-akabuan egoitza osoa zeharo desinfektatu dute, eta datorren martitzenetik aurrera senideen bisitak berriro hasteko izapideak eginda dituzte daborduko.
Baieztatzeke dagoen kasua positiboa izango balitz, gela batean bakartuko lukete negatibo eman arte.
2020 ira 17 Barrika
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!