Barrikako Udalak gogoratu duenez, sexuen arteko berdintasuna sustatzea da bere konpromiso irmoetako bat, "aspalditik". Hala, "jarduera horiek beste urrats bat baino ez dira gizonen eta emakumeen arteko berdintasuna lortzeko eta emakumeek historian zehar egin duten borroka eta ahalegina aitortu eta balioesteko".
Barrikako Emakumeen Hitza elkarteak eta tokiko Udalak genero ikuspegia izango duen zinema-foruma antolatu du martxoaren 3rako, barikurako, Emakumeen Nazioarteko Egunaren aurretik. Horretan, Cinco lobitos filma proiektatuko dute, 18:00etan. Martxoaren 8an, berriz, elkarteak elkarretaratzea egingo du Emakumeen Biribilgunean, 12:30ean, eta bertan manifestua irakurriko dute, udal-ordezkariakaz batera. Arrastian, 15:00etan, emakumeen omenezko VIII. bazkaria egingo dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun