Azaroaren 24an, domekan, Solo una vez pelikula proiektatuko dute, 17:30ean, Goierriko Ander Deuna Aretoan. Film horretan, genero-indarkeria jasaten duten emakumeentzako arreta-zerbitzuko psikologo batek aste batzuk daramatza bere pazienteetako baten senarraren jazarpena jasotzen, eta, testuinguru horretan, horrelako zentro batean inoiz izan ez den bikote bat ere tratatu behar du.
Aurreko urteetan bezala, Emakumeen Hitza elkarteak elkarretaratzea egingo du hilaren 25ean, astelehenean, eguerdiko 12:30ean. Emakumeen biribilgunean egingo dute, eta manifestua irakurri. Barrikako alkatearen ustez, “garrantzitsua da emakume guztiok bat egitea, batez ere, geure bizitzetan behar dugun askatasuna aldarrikatzeko”.
