Probak Muriola, Barrika eta Meñakotz hondartzak zeharkatuko ditu. Ondoren, Txipion sartu, Butroeko itsasadarra inguratu eta Barrikako udaletxera itzuliko da.
Antolatzaileek "zailtasun ertaineko" ibilbidetzat jo dute, gehienez 130 metroko altuera eta 277 metroko desnibel negatiboa eta positiboa duena.
Proba 09:30ean hasiko da, proba korrika egingo duten parte-hartzaileen irteeragaz, eta, hamar minutu geroago, oinez egingo dutenen txanda izango da. Izen-emateak www.rockthesport.com eta www.uno.es plataformen bidez egin daitezke oraindino.
Parte-hartzaile guztiek, elastiko oroigarriaz gain, oparien zozketa batean ere parte hartuko dute.
Aurreko edizioan 1.200 parte-hartzaile izan ziren, lehia-maila garrantzitsua mantendu zuen eta hamar korrikalarik ibilbidea ordubetean baino gutxiagoan egitea lortu zuten.
