Egitaraua hilaren 13an hasiko da, barikuan, ludotekak antolatutako musika-tresnen tailerragaz. Jarduera hori 18:00etan egingo dute Ander Deuna Aretoan, eta txikienek musika eta sormenagaz gozatzeko aukera izango dute. Otsailaren 15eko umeentzako tailerretan izena eman gura dutenek udal-liburutegira jo dezakete, 946 775 163 telefonora deitu edo liburutegia@barrika.eus helbidera mezu bat bidalita.
Festa-giroak domekan, otsailaren 15ean, jarraituko du, inauterietako egun nagusiagaz. Egun horretan, Elexalden azoka egingo dute, eta, aldi berean, 6 eta 12 urte bitarteko umeei zuzendutako maskara tailerrak eta ogi txigortuen elaborazio tailerrak antolatuko dituzte frontoiaren inguruan. Udalak jakinarazi du azken jarduera horretarako izen-ematea zabalik dagoela daborduko.
Inauterietako ospakizunak otsailaren 17an amaituko ditutze, 18:00etan egingo duten Barrikan tradizio handia duen tostaden lehiaketagaz. Aurten, 17. edizioa egingo dute, eta horretarako lehiaketaren oinarriak udalaren webgunean argitaratuko dituzte.