Udako jaiak 2017

[Argazki-bilduma] Berangoko IV. gizonezkoen eta emakumezkoen pala-txapelketa

Erabiltzailearen aurpegia Hiruka 2017ko abuztuaren 8a

Santo Domingo jaien barruan, joan den zapatuan jokatu ziren Berangoko IV. Pala Txapelketaren finalak, gizonezkoen eta andrezkoen ataletan. Txapelketa antolatu zuen Berangoko Zutik Esku Pilota Kirol Taldeko arduradunek jakinarazi zutenez, lehenengo aldia izan da emakumezkoen atalean lehia antolatu dela: 4 bikotek parte hartu dute aurton. Gizonezkoen atalean, 34 bikote lehiatu dira.

Batetik, emakumeetan, finala jokatu zuten bikoteak honako hauek izan ziren: Eva-Itxaso eta Maria-Sandra; azken horiek jantzi zuten txapela. Bestetik, gizonezkoetan, finalean lehiatu ziren ondoko hauek: Uribe-Gonzaga eta Barbier-Arrondo; estu-estu, baina lehenengoek irabazi zuten partida, frontoian batutako askorengan poza eraginez.

Argazki-bilduma:

Berangoko IV. Gizonezkoen eta emakumezkoen pala-txapelketa

Kirolak Berango
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun