Datorren zapatuan, ekainaren 16an, amnistiaren aldeko bertso-bazkaria izango da Berangon, bertako amnistia-taldeak antolatuta. Ekimenean Fredi Paiak eta "Katxo" Larrazabalek abestuko dute.
Bazkaria 15:00etan hasiko da. Izena emateko whatsapp-mezua bidali beharra dago, 667 755 071 telefonora. Otorduan, 15 euro ordaindu beharko dute parte-hartzaileek. Bazkariaren aurretik, amnistiaren aldeko elkarretaratzea egingo dute, 13:00etan.
Berangoko presoak
Amnistiaren Aldeko eta Errepresioaren Aurkako Mugimenduak gaur zabaldu ditu ildo horregaz bat datozen Saioa Sanchez Iturregi eta Ibai Aginaga Ginea preso berangoztarren espetxe-helbideak. Sanchez Soto del Realgo kartzelan dago, Berangotik 385 kilometrora. Aginaga, berriz, Sevilla II espetxean daukate, herritik 920 kilometrora.
Ekimenaren kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
