Politika  Berango 2018-08-23 11:42

Anabel Landa izango da berriro ere EAJren alkatetzarako hautagaia Berangon

Berangoko EAJko afiliatuek Anabel Landa aukeratu dute alderdiaren zerrendaburua izateko 2019ko maiatzeko hauteskundeetan. Agintaldi honen amaieran hamabost urte beteko ditu Landak alkatetzan.

Anabel Landa izango da berriro ere EAJren alkatetzarako hautagaia Berangon
Anabel Landa, Berangoko Udaletxeko balkoian. © EAJ | Ikusi handiago | Argazki originala

Maiatzaren 24an egindako batzarrean aukeratu zuten Anabel Landa Berangoko hautagai jeltzalea izateko, baina gaur eman du erabakiaren berri Bizkai Buru Batzarreko komunikazio-sailak. 

"Ilusio handia daukat Berango garatzen eta hobetzen jarraitzeko aukera izango dudalako, hau da, azken urteetan egindakoak osatzeko proiektu berriak gauzatu ahal izango ditudalako", adierazi hautagaiak.

55 urte ditu Landak, irakasle izateko ikasketak dauzka, eta Loiuko Udaleko kultur teknikaria jardun zuen ogibidez Berangoko alkatetzara ailegatu arte.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa