Bideoa

36ko gerraren atzeguardia eta frontea, Berangon

Gerra-garaiko giroa birsortu zuten joan den domekan, irailaren 23an, Berango erdian. Hala, bisitariek 1937ko ekainean murgiltzeko aukera izan zuten, Burdin Hesiaren Oroimenaren Museoaren zazpigarren urtemuga ospatzeko.

Lur-zakuak, kanoiak, metrailadoreak, morteroak, kanpaina-ospitaleak, errefuxiatutako umeak... Gerra garaian murgildu zen atzo Berangoko erdigunea, 1937ko ekainean bizitakoak birproduzituz. Udalerriko Burdin Hesiaren Oroimenaren Museoaren zazpigarren urtemuga ospatzeko ekitaldia izan zen domekakoa, eta hainbat elkartek parte hartu zuten, hala nola Frentes de Euzkadi eta Lubakikoak.

1937ko ekainean apurtu zuten frankistek Burdin Hesia Larrabetzu aldean. Hala, gerra-fronte horretan jazotako zauritu asko artatu behar izan zituzten Berangon. Une horiek gogorarazteko Frentes de Euzkadiko lagunek gudarien artilleria gune bat osatu zuten Berangoko elizaren ondoan, baita kanpaina-ospitale bat eta gerratik ihes egiteko umeak ebakuatzeko postu bat ere.

Lubakikoak taldekoek, aldiz, gerra-garaiko Ertzañaren aginte-postua irudikatu zuten, besteak beste.

Erlazionatuak

36ko gerra irudikatu dute Berangon

Berango

Gerra-garaiko giroa birsortu zuten atzo, domekan, Berango erdian. Hala, bisitariek 1937ko ekainean murgiltzeko aukera izan zuten, Burdin Hesiaren O...
"Berangon gerra zelan bizi izan zen erakutsiko dugu domekan"

Berango

Modu berezian ospatuko du zazpigarren urtemuga Berangoko Burdin Hesiaren Oroimenaren Museoak. Datorren domeka eguerdian gerra-garaiko giroa birsort...