Metroko sarreratik abiatuta Sabino Arana kaleak eta Intxaurraga ingurua lotzen dituen igogailua sarriegi egoten da matxuratuta (orain hilabete batzuk bost egunez ezin izan zen erabili), eta horri konponbidea emateko beste igogailu bat eraikitzea erabaki du Berangoko Udalak. Anabel Landa alkateak adierazi du igogailu berriak bere sistema elektrikoa izango duela, argindarraren eten orokor baten ondorioz energia barik ez geratzeko.
Orain urtebete inguru arrapala bat egitea aurreikusi zen, behin-behineko irtenbide modura, baina akabuan, arrazoi teknikoengatik, aukera hori baztertu eta beste igogailua egitea erabaki du Udalak, daborduko existitzen denaren alboan. Zortzi pertsona hartzeko gai izango da.
Lanaren kostua 175.000 eurokoa izango da, eta espero da sei hilabete barru erabiltzeko moduan egotea, udal-iturrien arabera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!