Urte honetarako 7,6 milioi euroko aurrekontua onartu du osoko bilkurak

Atzo egindako saioan, 2020rako aurrekontuak onartu ditu Berango Udaleko osoko bilkuran, EAJren aldeko botoakaz. Kontra bozkatu zuten EH Bilduk, Elkarrekin Podemosek eta PSE-EEk, eta PP abstenitu egin zen. Aurrekontua 7.599.221 eurokoa izango da.

Gastu arruntera bideratutako saila izango da garrantzitsuena: 4,2 milioi. Bestalde, 427.751 euro erabiliko dira iaz herritarrek, parte-hartzezko prozesu baten bidez, Udalari egindako hainbat proposamen gauzatzeko. Inbertsioen artean aipa daitezke Ricardo Otxoa parkea eta Lantzarteko parkea hobetzea (45.000 eta 22.000 euro, hurrenez hurren), eta kalistenia-parke bat egitea (25.000).

Beste 100.000 euro Sabino Arana kaleko eremu pribatuko sarbideak atontzeko izango dira, eta 83.000, Berangoko hainbat lekutan egingo diren asfaltatze-lanetarako. Txakurrentzako iturriak ere ipiniko dituzte, herritarren eskariz. Eta Smart Lab proiektua garatzen jarraitzeko beste 140.000 euro inguru aurreikusi dira.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun