Koronabirusa Uribe Kostan

San Juan bezperako sua eta udako koloniak bertan behera utzi dituzte Berangon

Azken urteetan DJ Xaiborrek girotu du San Juan bezperako iluntzea Berangoko Lantzarte auzoko zelaian. © BERANGOKO UDALA

Apurka-apurka, eskualdeko udalak bertan behera uzten dabiltza udako ohiko programazioa, koronabirusera egokitutako bizimoduak luze iraungo duela garbi geratu ahala. Gaur, Berangoko Kultur Etxeak iragarri du ez duela egingo San Juan bezperako ohiko jaialdia, osasuna babesteko. Udako koloniarik ere ez da izango.

Berangoko Udalaren Kultur Arloak apiril amaieran zabaldu zuen aurtengo udalekuetan izena emateko epea, baina ohartaraziz ezin zuela segurutzat eman egingo ote ziren ere. Azkenik, bertan behera geratu dira, "COVID-19 gaixotasunaren zabalkundea geldiarazteko eta osasun-arloko agintariek eman dituzten gomendioei jarraituz", Santa Ana Kultur Etxeak ohar labur baten bidez jakinarazi duenez.

San Juan bezperako surik ere ez da egingo. Hain zuzen ere, azken urteetan oso jai jendetsua suertatu da Lantzarteko zelaian egindakoa.

Erlazionatuak

Eguaztenean zabalduko dute udako kolonietan izena emateko epea, kolokan egon arren

Berango

Koronabirusaren krisiak eragindako ziurgabetasunean ezin esan egingo diren ala ez, baina badaezpada Berangoko Udalak apirilaren 29tik maiatzaren 9r...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun