Beste udal batzuen bidetik, hiri-gunean dabiltzan autoen gehienezko abiadura orduko 30 kilometrora jaitsiko du Berangok. Honezkero, gune batzuetan 20koa da gehienezko abiadura, eta hala mantenduko da.
Udalak iragarri duenez, laster 50etik 30erako jaitsiera egingo dute Gorrondatxe kalean (Azkorri eta Kurtze artean) eta Simon Otxandategi etorbidean, Axgane inguruan.
Sabino Arana kalean ere 30era murriztuko da gehienezko abiadura, oraindik 50eko muga duen zatian, hau da, Eroskitik Sopelako mugarainoko bitartean. Gainerako zatian, hirigune nagusian, abiadura-muga 20koa da orain dela zenbait hilabetetatik hona.
Era berean, Simon Otxandategi etorbidearen Merana eskolako inguruan ere orduko 20 kilometrokoa da onartzen den gehienezko abiadura.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
