Berangoko Udalak jakinarazi du astelehenean, azaroak 9, hasi ahal izango dela erabiltzen Sabino Arana kalea eta Intxaurraga batzen dituen igogailua. Orain dela urtebete inguru erabaki zuten aurreko igogailuaren ordez beste bat egotea, aurrekoa sarriegi matxuratzen zela eta.
Orain urtebete Anabel Landa alkateak adierazi zuenez, Metroko igogailu berriak bere sistema elektrikoa izango du, argindarraren eten orokor bat balego energia barik ez geratzeko.
Igogailua zortzi pertsona hartzeko gai izango da. Lanaren aurrekontua 175.000 eurokoa izango zela, iragarri zuten iaz, baina oraingoan ez da daturik eman behin betiko kostuaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
