Ibai Aginaga preso berangoztarrak zapatuan abiatutako gose eta egarri greba amaitu du, isolamendutik atera eta gero

Amnistiaren aldeko pankarta Berangon, Artxiboko irudia.

Ibai Aginaga preso berangoztarrak bertan behera utzi du joan den zapatuan abiatutako gose eta egarri greba, espetxeko zuzendaritzak isolamendutik atera eta gero.

Aginagari PCR test bat egin diote eta, negatiboa eman duela-eta, konfinamendutik atera zuten atzo, eguenean, tinkoamnistia.org agerkari digitalak jakinarazi duenez.

Webgune horrek zabaldu duenez, Aginagak familiari adierazi dio argi daukala espetxeko zuzendaritzak berarekiko izan duen jarrera-aldaketa gaia kalean argitara ematearen ondorio izan dela, eta eskerrak adierazi gura izan die horretarako zarata egiten ibili direnei.

Horrez gainera, jakinarazi du presoaren amak Arartekoari afera horretan esku hartzeko eskaera egin ziola atzo goizean bertan. "Beraz, beste behin ere agerian gelditzen da kartzelako opakotasunak presoen eskubideen urraketa errazten duela. Aitzitik, euren egoera salatzea eta borroka egitea presoak babesteko lanabesik eraginkorrena da".

Erlazionatuak

Ibai Aginaga preso berangoztarra Basaurira gerturatuko dute

Berango

Espainiako Espetxe zuzendaritzak zazpi euskal presoren lekualdatzeren berri eman du, tartean, Ibai Aginaga berangoztarrarena. Hala, Kantabriako Due...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun