Alconzako langileak borrokan

Joan den asteleheneko 25 kaleratzeak bertan behera gelditzea eskatu dute Alconzako grebalariek

Irizar Taldeak duela astebete kaleratutako 25 pertsonak laneratu arte greban jarraituko dutela ohartarazi dute Alconzako langileek. Joan den otsailaren 28an abiatu zuten greba mugagabea, euren lanpostuen eta Alconzako lantegiaren etorkizunaren defentsan. Eguazten honetan, hilaren 13an, elkartasun jaialdia egingo dute Berangoko frontoian.

Barikuan, hilaren 8an, 40 egun igaro ziren Alconzako makinak itzali eta greba mugagabeari ekin ziotenetik. Egun horretan, prentsaurrekoa eta manifestazioa egin zuten esateko ez dituztela onartuko Alconza-Irizar enpresak iragan astelehenean egikarituko 25 kaleratzeak, eta iragarri zuten borrokan jarraituko zutela Berangoko lantegiaren enpleguaren eta etorkizunaren alde.

Manifestazioaren amaieran, langileen bozeramaileetako batek azpimarratu zuen kaleratutakoak laneratu arte, gutxienez, greban jarraituko dutela, eta salatu zuen Irizar Taldeko zuzendaritzak ez duela "inoiz" negoziatzeko asmorik izan, "enpresaren egoera haien erantzukizuna denean". Era berean, hilabeteotan izandako herriaren babesa eskertu eta eguaztenean, apirilaren 13an, Berangoko frontoian izango den elkartasun jaialdian parte hartzeko deia egin zuen.

Elkartasun jaialdia

Greba mugagabea abiatu zutenetik hilabete eta erdi igaro dela eta, borrokari zabalkundea emateko musika jaialdia egingo dute etzi, eguaztenean. Berangoko frontoian jarri dute hitzordua, 19:30ean, eta bertan arituko dira Zetalau, Orreaga 778 eta Nazka musika-taldeak. Sarreraren prezioa 5 eurokoa izango da.

Erlazionatuak

Alconzako 25 langile kaleratu ditu Irizar Taldeak

Berango

Irizar Taldeak Berangoko Alconza lantegiko 25 behargin kaleratu zituen astelehenean, apirilaren 4an, enpresa-batzordeak jakinarazi duenez. Horren a...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun