Larrabasterrara bidean, galduta zegoen lurzoru bat berreskuratu eta Eko Ortuak ingurumen-proiektua garatu du Berangoko Udalak. Egitasmoaren azkenengo ukituak ematen ari dira orain eta, jakinarazi dutenez, ortuok landu gura dutenentzako bilera ireki informatiboa egingo dute hilaren 15ean, 18:30ean, Berangoeta kultur etxean. Guztira, 30 ortu egongo direla aurreratu dute.
Herritarrek kudeatuko dituzten ortuez gainera, egitasmoa inguratuko duen horma-irudi bat ere egingo dute, 300 metroko luzera izango duena, eta Jorge Lopez de Guereñu artistaren sinadura izango duena. Horretarako, gainera, karbono dioxidoa irensten duen pintura berezia erabiliko dute, Kirolgunen egin duten legez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
