Aitor Miñambres Berangoko museoaren zuzendariak azaldu duenez, "Gerra Zibilean, euskal herritarrek jasandako sufrimendua adierazten du Agurra eskulturak, banatzera behartuta dagoen familia bat irudikatzen du. Hiru irudi: haur bat, emakume bat eta gizon bat. Haurra: haurtzaroa, goseak eta aireko bonbardaketek mehatxatua, herrialde urrunetan hartua, familiaren konpainiarik gabe. Emakumea: atzeguardian egindako lana, ekoizpena eta familiaren zama. Eta gizon gaztea, lasaia, frontera doana, bizia galtzeko arriskuarekin bere lurra eta demokrazia defendatzeagatik. Emozioz, sentimenduz eta samurtasunez betetako eskultura".
Eskulturaren inaugurazioa joan den otsailaren 19an egin zuten, Berangoko Burdin Hesiaren Oroimenezko Museoaren 10. urteurrenaren harira. Monumentua Berangoeta kultur etxearen aurreko plazan dago, museoaren sarreran. Lana Jaizkibel Galdategi Artistikoaren lana da, eta 1937ko euskal ilustrazio batean dago oinarrituta. Brontzezkoa da, gudu-zelaietatik berreskuratutako materialez osatuta, Euskal Prospekzio Taldearen lanari esker.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun