Orain gutxi abiatutako "Norena da Berango?" kanpainaren baitan, Otxantegi Herri Lurra hustu eta lursail horretan etxebizitzak eraikitzeko asmoa dagoela salatu zuten atzo, martitzenean, Berangoko udaletxearen aurrean. Ekintzaileek azaldu zutenez, "desalojo abisua berehalakoa" da, eta, ondorioz, "nekazari-lurrak izan zitezkeen 40 hektarea suntsitu egingo dira betiko". Halaber, iragarri zuten zapatuan, apirilaren 1ean, gune okupatu horren urteurren jaia egingo dutela, 20:00etatik aurrera.
Berangoko "espekulazio maniobrak" salatzeko asmoz, "Norena da Berango?" kanpaina abiatu zuten orain gutxi Otxantegi Herri Lurra gune-autogestionatuko kideek. Azaldu dutenez, okupatutako lurrak husteko abisua "berehalakoa" da, eta, hori salatzeko, elkarretaratzea egin zuten atzo, martitzenean, bertako udaletxearen aurrean, "udal-gobernua, jauntxoak eta eraikitzaileak salatzeko".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
