Apnabik, Autismoaren espektroko nahasmendua duten pertsonen familien elkarteak, 45 urte bete ditu aurten, eta, hori ospatzeko, hainbat ekimen garatu ditu egunotan, besteak beste, atzoko martxa. Ekimen hori familia-ibilaldia izan da, eta helburua izan da autismoa duten pertsonak, familiak eta lagunak batzea, pertsona horien gizarteratzea eta talde-sentsazioa hauspotzeko asmoz.
100 pertsonatik batek autismoa du
Elkarteak azaldu duenez, autismoaren espektroko trastornoak ez dira gaixotasunak, neurogarapenaren nahasmenduak dira, txiki-txikitatik garatzen direnak eta pertsonaren arabera eboluzionatzen dutenak, eta, azkenengo ikerketen arabera, 100 pertsonatik batek trastornoa du.
Ildo horretan, Apnabikoek azpimarratu dutenez, arreta goiztiarra, hezkuntza egokia eta laguntza pertsonalizatuak ematea dira eskura dauden tresnak, haien eta familien bizi-kalitatea nabarmen hobetzeko. "Gizartea sentsibilizatzeak gizarteratzen ere laguntzen du, eskubide osoko herritar diren aldetik".
Argazkiak: © BERANGOKO UDALA