Koronabirusa Uribe Kostan

Online bidezko irakaskuntza baloratu dute EHUko ikasleek

EHUko Leioako campuseko Irakasleen Unibertsitate Eskola. © EHU

EHUko eragile denak online bidezko irakaskuntzara nola egokitu diren aztertzeko ikerketa egin dute Nor ikerketa-taldeko Bea Narbaizak eta Edorta Aranak, Ikusiker Panelaren bidez. Denera, ikasleek osatutako 650 inkestatik gora jaso dituzte, martxoaren 25ean eta 26an; hau da, etxealdia hasi eta hamar egunetara.

Ikusiker ikerketa-taldeak galdetegi zabal bat egin die ikasleei irakaskuntza birtualari buruzko datuak jasotzeko. Inkesta joan den martxoaren 25ean eta 26an egin zuten eta, denera, EHUko hogei bat graduko 650 ikaslek erantzun zuten.

Lehenik eta behin, online bidez ikasten ari diren galdetu zaie ikasleei. Erantzuna, argia eta irmoa izan da: "ikasleen %93 birtualki ikasten ari dela baieztatu da, eta gutxi batzuk dira egiten ari ez direla adierazten dutenak, %7".

Datuek diotenez, ikasle gehienek uste dute online bidezko irakaskuntza "erabilgarria" egiten ari zaiela: "%58 nahiko ados eta oso ados aukeren alde egin dute, %24 bat tartean kokatzen da eta oso gutxi dira ados ez daudenak guztira %18".

Ikasketakaz aurrera egiten laguntzen ote dieten galdetzerakoan, ikerketa-taldekoek zehaztu dute datuak "apur bat aldatu" egiten direla; hala, ados ez daudenen kopurua %27ra igotzen da. "Ez ados aukera %25ean mantentzen da eta Ikasleen erdiak baino apur bat gehiagok (%48) ikasketekin aurrera egiten laguntzen diela aitortzen dute".

Irakasgaiak eta irakasleak egoera berri horri aurre egiteko prestatuta ote dauden galdetuta, ikasleen iritziak "kezkagarriak" izan daitezkeela baloratu dute ikerlariek: "%2 ez dago batere ados, %15 ez dago ados, %31 ez ados ezta ados ere, %34 nahiko ados eta %18 oso ados".

Eguna antolatzeko balio dien galdetzerakoan, ikasleek modu berean baloratzen dute baiezkoan eta ezezkoan, baita erdian kokatzen direnak ere. Hala ere, esperientzia "polita" kontsideratzen ote duten galdetuta, gehiengoak dio ezetz (%49); %33 erdian kokatzen da eta %18k uste du polita izaten ari dela egoera.

Gogoratu beharra dago, galdeketa berrogeialdia hasi eta hamar egunera egin zela; hala, datuok eta iritziok alda daitezke egunotan. Izan ere, EHUkoek azaldu dutenez, unibertsitatea osatzen duten eragile denak egokitze-prozesua bizi izan dute azken egunetan.

Erlazionatuak

EHUk ikasleei eskatu die irakasleak telelanean nola ari diren kontrolatzeko

EHU

Errektoreordeak sinatutako gutuna bidali die Euskal Herriko Unibertsitateak ikasle guztiei martxoaren 25ean, adieraziz nola jaso behar duten fo...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun