Koronabirusa Uribe Kostan

Miren Basaras mikrobiologoa izendatu dute EHUko COVID-19aren arduradun

Miren Basaras, Leioako Medikuntza Fakultatearen aurrean. HODEI TORRES

EHUko Gobernu Kontseiluak COVID-19aren arduradun kargua sortzea erabaki du, eta Miren Basaras izendatu du zeregin horretarako. Hortaz, Basarasek bere gain hartuko du COVID-19 Zaintza Batzordearen gidaritza. Hemen ikus dezakezue HIRUKAk orain gutxi egin zion elkarrizketa.

Zaintza Batzordea koronabirusak unibertsitatearen eguneroko jardunean izan dezakeen eraginagaz lotutako "koordinazio, aholkularitza, informazio, jarraipen eta kontrolaz" arduratuko da. Unibertsitateko sektore guztiak egongo dira ordezkatuta bertan: ikasleak, irakasle eta ikertzaileak, administrazio eta zerbitzuetako langileak, campusetako errektoreordeak, Irakats Plangintza eta Ikaskuntzaren Jarraipen Batzordeko burua, Campus Arteko Segurtasun eta Osasun Batzordeko Burua eta Lan Arriskuen Prebentzio Zerbitzuko burua.

"Funtsezkoa da edozein agerraldiren aurrean erabakiak azkar hartzea", adierazi du Miren Basarasek, "birusa unibertsitate-ingurunean ahalik eta gutxien transmititu dadin. Horretarako, osasun-agintaritza eta -zerbitzuekin koordinatuta egongo gara une oro". Gaineratu duenez, unibertsitateko komunitatearen barruan pandemiagaz lotuta sor daitezkeen zalantza guztiak erantzuten ahaleginduko da, "ahal den neurrian". COVID-19aren arduradunak egongo dira ikastegi, atal eta eraikin denetan.

Erlazionatuak

"Ezin dugu espero txertoa hemendik gutxira izatea"

EHU

Betidanik jardun du zientzia euskaraz dibulgatzen, baina azken sei hilabeteetan, COVID-19 pandemia "ofizialki" gurera ailegatu zenetik, askoz sarri...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun