Otsailaren 16an eta 17an

Formakuntza eta eztabaida politikoa ardatz dituen Herri Unibertsitate Nazionala egingo dute Leioako campusean

© GEDAR

Berbaldi, mahai-inguru, mobilizazio eta aisialdi-jarduerakaz betetako egitaraua egingo dute bihar eta etzi Leioako campusean. Besteak beste, Roberto Fineschi filosofoa, Ani Perez pedagogoa eta Ekida arte-ekimen sozialista izango dira aurtengo hizlarietako batzuk.

Aurreko edizioetan bezala, hainbat jarduera prestatu dituzte formakuntzaren eta eztabaida politikoaren inguruko hausnarketa bultzatzeko helburua duten jardunaldiotan. Horretarako, bihar eta etzi, otsailaren 16an eta 17an, egingo duten Herri Unibertsitate Nazionalean askotariko hizlariek parte hartuko dute, hala nola Nantu Arroyo, Jose Castillo, Ani Perez, Roberto Fineschi, Jose Tapia eta Marcello Musto. Horiez gain, hainbat eragile eta antolakundek hartuko dute parte: Ekida arte ekimenak, Itaia Emakumeon Antolakunde Sozialistak, Gazte Koordinadora Sozialistak eta Ikasle Abertzaleakek. Café Marxeko kideak ere izango dira gonbidatuen artean.

Bestalde, antolatzaileek jakinarazi dute bazkaltzeko aukera egongo dela egun bietan. Gainera, otsailaren 17an,  egunean, manifestazioa egingo dute 14:00etan, "Edukiaren merkantilizazioaren aurrean, hezkuntza sozialista eraiki!" lelopean.

Egunotan Herri Unibertsitate Nazionala egin ostean, datorren astean Euskal Herriko sei campusetan izango dira tokian tokiko Herri Unibertsitateak. Nafarroako Unibertsitate Publikoan, Iruñean, otsailaren 23tik 25era izango da; gainerakoetan, berriz, 22tik 24ra bitartean.

Egitaraua:

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun