Astrabuduko Mendiguren plazak hartuko du gaur arrastian Elkarrekin Ahal Dugu koalizioaren mitina. Ahal Dugu, Ezker Anitza eta Equo alderdien izenean mintzatuko dira Eduardo Maura eta Rosa Martinez, Espainiako Kongresurako Bizkaiko zerrendaburuak. Ekitaldia 20:00etan abiatuko da.
Pasa den abenduaren 20an, Ahal Duguk irabazi zituen Espainiako hauteskundeak Erandion. Orduan alderdi moreak 4.209 boto lortu zituen (%31,98) eta Ezker Anitzari 367 hiritarrek eman zioten sustengua (%2,79). Ahal Duguren atzean EAJ geratu zen, 3.642 boto-paper bilduta (%27,67).
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
