Mobilizazioak hasi dituzte GESeko beharginek

Gaurko elkarretaratzea, Eusko Jaurlaritzaren ordezkaritzan, Bilbon.

Global Energy Services (GES) enpresak ordezkari sindikalei jakinarazi die 400 behargin baino gehiago bota gura duela. Hori dela eta gaur goizean mobilizazioak hasi dituzte Bilbon Enekuriko langileek.

Enekurin dauka egoitza nagusia GES enpresak, parke eolikoak eta fotovoltaikoak muntatu eta mantentzen ditu; Erandion, 160 langile ditu. Horrez gainera, lantegiak ditu Madrilen, Zaragozan, Cadizen eta Coruñan ere. ELA sindikatuak salatu duenez, denera beharginen %69 kaleratu gura ditu sozietateak: 453 langile. Kaleratze horietako asko Enekuriko zentroan eman daitezkeela uste du ELAk.

Hala, gaur goizean mobilizatzeari ekin diote Erandioko langileek, egun erdiko lanuztea eginez, lanpostuak eta lan-baldintzak errespeta ditzaten eskatzeko. Gainera, enpresak egindako proposamenaren arabera, lanean jarraituko duten beharginak urtebetez egongo lirateke aldi baterako erregulazio espedientean, eta euren soldatak %5 jaitsiko lirateke, gutxienez.

Pasa den abenduan, enpresa hartzekodunen lehiaketara atera zen. Urtarrilean, Christian Lay Extremadurako taldeak enpresaren zorrak erosi zizkien lau bankuri, %20a ordainduta. ELAk salatu du operazio hori "erabat iluna" dela. Bestalde, General Electric konpainiak GESekiko kontratuak bertan behera utzi ditu, langileak subrogatu barik. Gamesa ere bide beretik doa.

Erlazionatuak

Gardentasuna eskatu du GES Enekuriko Lan Batzordeak

Erandio

Global Energy System (GES) nazio­arteko enpresak Enekurin duen lantegiko Lan Batzordeak gardentasuna eta soldatak bermatzeko eskatu ditu, enpre...
GES erosteko proposamena egin du Extremadurako CL industria-taldeak

Erandio

Zer gertatuko zain daude Erandioko Enekuri auzoko Global Energy Services (GES) enpresan lan egiten duten 200 bat beharginak. Gaur egun, 3i inbertsi...
Erandion 200 lanpostu arrisku bizian daudela ohartarazi dute

Erandio

Erandioko Enekuri auzoko Global Energy Services (GES) enpresan lan egiten duten 200 bat behargin lanpostu barik gera daitezkeela ohartarazi du...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun