Goi-Alde dantza taldeak eta musikak presentzia handia izango dute aurtengo jaietan. Besteak beste, talde hauen doinuak izango dira entzungai: Luhartz, Akerbeltz eta Oxabi erromeria-taldeak, trikitilariak, Erandioko Musika Banda eta Erandioko Udal Musika Eskolako ikasleak, Matutano musika-taldea eta DJak, tartean, Iñigo Muñoz erandioztarra, DJ Munza legez ezagunagoa.
Gazteen giroan murgiltzeaz gainera, sendiek eta neska-mutilek ere izango dute zertaz gozatu. Hala, azkarrenek buruhandiak xaxatzeko aukera izango dute eguenean, 19:45ean; geldoenek, ostera, kontuz ibili beharko dute, puxikakaz jo ez ditzaten. Plan lasaiagoa izango da Olgetan Solas familiarteko kirol-jolasena. Erandioko Udal Euskara Zerbitzuak antolatutako ekimena barikuan izango da, 18:00etan. Zapatuan, ostera, puzgarriak izango dituzte neska-mutilek, 16:00etatik aurrera. Bestalde, domeka gastronomiaren eguna izango da, sukaldaritzazaleek patatak zelan menderatzen dituzten erakutsiko baitute.
Egitaraua
Ekainak 15, eguena
- 12:00 Meza; ondoren, aurreskua elizaren aurrean; eta mokadua nagusientzat.
- 19:30 Pregoia, Damatxoren esku; txupin-jaurtiketa; eta jaien hasiera.
- 19:45 Buruhandiak, eta poteoa musika-eskolako trikitilariakaz.
- 21:30 Herri-afaria (txartelak aurretik salgai, Dandakan, 15 euroan).
- 23:30 Erromeria: Luhartz.
Ekainak 16, barikua
- 18:00 Olgetan Solas familiarteko kirol-jolasak.
- 19:30 Adiskideak txaranga.
- 21:30 Saiheski errea.
- 22:00 Kontzertua: Matutano, Oxabi erromeria-taldea eta DJa.
Ekainak 17, zapatua
- 11:00 Goi-Alde Dantza taldearen kalejira eta dantza-erakustaldia.
- 15:00 Paella-jana (txartelak aurretik salgai, Dandakan, 5 euroan).
- 16:00 Bazkalostea trikitilariakaz.
- 16:00 Umeentzako puzgarriak.
- 20:00 Pintxo morunoak.
- 00:00 Erromeria Akerbeltz taldeagaz eta musika-saioa DJ Munzagaz.
Ekainak 18, domeka
- 11:00 Lehen jaunartzeak eta Erandioko Musika Bandaren emanaldia.
- 12:00 Poteoa.
- 14:30 Lehiaketa: patatak errioxar erara.
- 17:30 Txinberak eta umeentzako disko-festa.
- 18:30 Lehiaketa: patata-tortilla.
- 21:00 Jaien amaiera eta kupelak hustea.