Kultura  Erandio 2017-08-10 13:27

Erandiogoikoko kuadrillak paellarik onena zeinek egin lehiatuko dira jaietan

Abuztuaren 13an, domekan, abiatuko dituzte aurtengo Andra Mariren omenezko jaiak, Erandiogoikoan. Martitzena bu­katu arte, ospakizunez gozatzeko aukera izango dute bertoko herritarrek zein auzora hurreratuko diren pertsona denek.

Erandiogoikoko kuadrillak paellarik onena zeinek egin lehiatuko dira jaietan
Itsas paellak dira gehien egiten direnak Erandiogoikoan. | Ikusi handiago | Argazki originala

Ohi legez, dantza-plaza, dastaketak, poteoa, neska-mutilentzako jarduerak eta gaueko dantzaldiak ez dira faltako, andramarietan; kuadrillen arteko paella-txapelketa ere ez. Andra Mari egunean izango da ohiko lehiaketa gastronomikoa; hala, egun horretan ikusi ahal izango da auzoko kuadrillen arteko lehia handia: nork egiten duen auzoko, herriko eta, agian, munduko paellarik onena, izan arrainezkoa, okelazkoa edo beganoa. Lagun-taldeei 11:00etan emango diete paella egiteko arroza; ondoren, kozinatu ahal izango dute, nork bere osagai sekretuak erabilita; 14:30ean, berriz, egindako chef-lana aurkeztu beharko du kuadrilla bakoitzak. Azkenik, 18:00etan banatuko dituzte sariak. Egun berean, Goi-Alde dantza-taldeak eskainiko du emanaldia. Hala ere, behin-behinekoa da bertoko jai-batzordeak zabaldutako egitaraua; oraindino antolaketa lanetan dabiltza, eta aldaketa txikiren bat egon daiteke.

Jaietako egitaraua

Abuztuak 13, domeka

20:00 Dantza-plaza.

21:30 Saiheski errearen dastaketa.

23:30 Disko-festa.

Abuztuak 14, astelehena

19:00 Trikiti-poteoa.

21:30 Burruntzi-pintxoen dastaketa.

23:30 Erromeria.

Abuztuak 15, martitzena

Egun osoan Umeentzako puzgarriak.

11:00 Paella-lehiaketaren hasiera.

12:30 Euskal dantzak, Goi-Alde dantza-taldeagaz.

14:30 Paellak aurkezteko epemuga.

16:00 Umeentzako disko-festa.

18:00 Paelletako sari-banaketa.

18:30 Nagusientzako disko-jartzailea.

2017/08/13 - 2017/08/15

Erandiogoikoa Erandio

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa