Bilboko eraikuntza-enpresa hartzekodunen konkurtsoan sartu zen pasa den maiatzaren 19an, Bilboko 1. merkataritza-auzitegiak hala onartuta. Enpresak 55 milioi euroko aktiboak eta 50 milioiko pasiboa deklaratu zituen. Aktiboetan 1.500 bat ondasun deklaratu ditu, gehien bat lur-sailak, pisuak, parkingak eta lonjak baina baita ere beste enpresa batzuen partaidetzak. Enpresak inbertsio handiak egin ditu Angolan, besteak beste.
Abaroa S.A. eraikuntza-enpresak 2007an inguruan egindako obra batzuek kaltetu zituzten Erandioko Altzaga auzoko zenbait etxe; horren eraginez, 66 sendik utzi behar zituzten euren etxeak. Gaur arrastian, jende-kate batek salatuko du orduko arazoa konpontzeko Tartangan 400 etxebizitza eraiki eta gune berdea desagertuko dela. Egun berean, Bizkaiko Foru Aldundiak argitaratu du milioi bat euro baino gehiagoko zordunen zerrenda: diru-kopuruan, laugarrena da Abaroa S.A, 16.032.201,08 euroko zorragaz.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun