Ekimeneko antolatzaileek azaldu dutenez, "publikoa, denona, herriak erabakita, denontzat! Tartanga berdea" gura dute. Modu berean, plataformak salatu du Azpiegiturak foru-enpresa publikoak trukatu egingo duela Altzagako kiroldegiaren ondoko gunea. Izan ere, nabarmendu dutenez, foru-enpresak horrela ordainduko du "orain dela 11 urte hustutako etxebizitzen eraistea eta eraikitzea"; hirigintza-arazoa aspaldi dago, "Abaroa eraikuntza-enpresak egin zuen lardaskeriagatik", gorarazi dutenez.
Joan den ekainaren 15ean itxi zuen Azpiegiturak enpresak lehiaketa publikoa, Altzagan kaltetutako etxeak bota eta 113 etxebizitza berri eraikitzeko, eta trukean Tartangako lur-saila jaso, 400 etxebizitza altxatzeko aukeragaz. Tartanga Berdearen ustean, "zenbait enpresa-eraikitzaile aurkeztu dira lehiaketara". Horren aurrean, argi utzi dute ez dutela Tartanga gune berde eta publiko legez galtzea.
Oroitarazi dutenez, udal-planen artean zegoen Tartangako parkean estalperik gabeko igerileku eta frontoi bana ipintzea. Azkenik, Abaroak kaltetutako 66 familiei behin betiko ostatua ematearen alde agertu da plataforma, "baina ez edozein prezioan".
