Kultura  Erandio 2017-07-13 13:00

Aste-akabuko jaiak, Asuan!

Uztailaren 15ean hasiko dituzte Asuako jaiak erandioztarrek, zapatuan. Hala, goizeko 11:00etan suziari su eman ostean, festari ekingo diote; horren ondoren, Apurtuarteko beteranoek futbol-partida jokatuko dute. Ordubete geroago, 12:00etan, ume eta familiei begirako Olgetan Jolas egitasmoaren jarduerak hasiko dira. Geroago, 14:00etan, sukalki onena aukeratzeko lehiaketa abiatuko dute. Arrastian, euskal dantzen agerraldia (18:30); disko-festan, DJ Xaboirregaz dantza egiteko aukera (19:30), eta indarra berreskuratzeko txorizo-jana egongo dira; eta, berriro ere, dantzatzeko aukera, Honat taldeak joko dituen kantuen doinura (00:00).

Aste-akabuko jaiak, Asuan!
Honat erromeria. © HONAT | Ikusi handiago | Argazki originala

Hurrengo egunean, domekan, mezarako aukera egongo da, 12:00etan; gero, 12:30ean, Erandioko Musika Bandaren kontzertua entzun ahal izango dute beste batzuek. Geroago, 13:00etan, nagusiek mokadutxoa jan ahal izango dute; gainerakoek, 15:00ak aldera sagardotegi-menu bategaz tripa asetzeko hitzordua izango dute, herri-bazkaria orduantxe izango da eta. Iluntzean, berriz, jaiak amaitzeko ordua izango da; hala ere, lehenago, dantzatzeko aukera izango dute auzora bertaratuko diren guzti-guztiek, 17:30etik aurrera.

Jaietako egitaraua

Uztailak 15, zapatua

  • 11:00 Txupinazoa eta jaien hasiera.
  • 11:00 Futbol-partida: Apurtuarteko beteranoak.
  • 12:00 Olgetan Jolas: familiarteko kirol-jolasak.
  • 14:00 Sukalkia.
  • 18:30 Euskal dantzen agerraldia.
  • 19:30 Dj Xaibor.
  • 21:00 Txorizo-jana.
  • 21:30 Mariachi Imperial: “Elegancia de México”.
  • 00:00 Erromeria: “Honat”. Diskofesta.

Uztailak 15, domeka

  • 12:00 Meza.
  • 12:30 Erandioko Musika Banda.
  • 13:00 Nagusientzako mokadutxoa.
  • 15:00 Herri bazkaria.
  • 17:30 Dantzaldiak.
  • Ondoren, jaien amaiera.

2017/07/15 - 2017/07/16

Asua Erandio

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa