Herri-plataformak zabaldu duenez, batzarra Astrabuduko Josu Murueta kultur etxeko gela urdinean egingo dute, 19:30ean. Bertan gai bi aztertuko dituzte: joan den azaroaren 5eko herri-galdeketaren balorazioa eta 2018 urterako GEDen erronka berriak.
Kolektiboak erandioztarrak deitu ditu, "erabakitzeko eskubidearen gauzapenaren bidean" norberaren ideiak denon artean konpartitzera.
Joan den azaroaren 5ean, 2.068 erandioztar hurbildu ziren elkarteak ipinitako hautetsontzietara, "Nahi duzu euskal herritarrok gure etorkizun politikoa gure kabuz eta aske erabakitzea?" galderari erantzuteko; hala, erroldaren %10,02k eman zuen botoa. Denek baiezkoa erantzun zioten galderari, 22 ezezko, 8 zuri eta baliogabeko boto bi alde batera utzita.
