Ekonomia  Erandio 2018-02-21 18:26

Greba feministaz informazioa zabalduko dute Erandion

Bihar, eguenean, martxoaren 8rako deitutako emakumezkoen greba berbabide izango dute Erandion. Bilera informatiboa 19:30ean izango da, Erandioko Emakumeen Elkartearen egoitzan, Altzagako San Agustin plazako 1. zenbakian.

Batzarraren antolatzaileek zabaldu dutenez, aurten, martxoaren 8an, "emakumeok* planto!" aldarriaren bidez "mendean hartu eta zapaltzen gaituen sistema kapitalista, arrazista eta heteropatriarkala" salatuko dute. Grebaren bidez, "emakumeek* kalean, etxean, lantokian eta eremu intimoan hartzen duten espazioa berriro moldatu" gura dute feministek, "gure borrokak lan esparrua, politika, bizitza eta ekonomia zeharkatzen dituelako. Eta planto egingo bagenu? Eta egiten dugun dena egingo ez bagenu? Aurtengo martxoaren 8an ikusiko dugu!", proposatu dute.

Hala, gogorarazi dutenez, "otsailaren 22an, Erandioko emakumeok borroka horren inguruko informazioa zabaldu eta hausnarketa egitera goaz. Animatu eta parte hartu!".

2018/02/22 19:30

Erandioko Emakumeen Elkarteko lokala Erandio

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa