Jendartea  Erandio 2018-08-06 12:30

Ertzain eta udaltzain gehiago egongo da Astrabuduko jaietan

Erandioko Udaltzaingoak eta Ertzaintzak segurtasunaren prebentziorako operatibo bateratua martxan ipiniko dute, abuztuaren 8tik 12ra artean ospatuko diren Astrabuduko jaietarako. Dispositiboaren helburu nagusia gorabeherei aurrea hartu ahal izatea eta herritar denek jaiez gozatu ahal izatea da, polizia-iturriek adierazi dutenez.

Ertzain eta udaltzain gehiago egongo da Astrabuduko jaietan
Udaltzainak Erandion. | Ikusi handiago | Argazki originala

Abuztuaren 8tik 12ra artean, Ertzaintzak eta Erandioko Udaltzaingoak agente gehiago ipiniko dituzte kalean, Astrabuduko jaiak direla eta. Dispositiboa uniformedun eta kalez jantziko patruilek osatuko dute; jai-barrutian zein inguruan ibiliko dira, eta Astrabuduko metro-geltokian ere bai, istilurik edo erasorik gerta ez dadin.

Poliziek alkohola saltzen duten lokalak zainduko dituzte adingabeei alkoholdun edariak saltzea eragozteko, eta substantzia sorgorgarrien kontsumoaren eta trafikoaren prebentzio-lana ere egingo dute, eta zigorrak ezarriko dituzte. Era berean, arreta berezia ipiniko dute, sexu-askatasunaren aurkako delituei aurrea hartzeko, eta era horretako delituak gertatzeko arriskurik handieneko eremuak zainduko dituzte.

Udaltzaingoak eta Ertzaintzak jaietan parte hartuko duten denei ohartarazi gura diete kontuz ibiltzeko diru-zorroakaz, telefono mugikorrakaz eta bestelako objektuakaz, lapurretan ibiltzen diren delitugileak ugaritu egingo direlako jaietan eta, bereziki, aurreikusitako kontzertuetan, jende asko ibiliko dela aprobetxatuz.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa