Izen frankistak kenduko dituzte Erandioko kale-izendegitik

Besteak beste, Jose Urrea kalearen izena egokituko dute, iturrien arabera.

Aho batez onartu zuen Erandioko osoko bilkurak, urriaren 31ko saioan, frankismoagaz lotutako pertsonen izenak kentzea kale-izendegitik. Horien ordez zer izen ipini erabakitzeko herri-kontsulta egingo dute.

EH Bilduk aurkeztutako mozioa onartuta, Erandion oraindino dauden frankismoko izenak kale-izendegitik ezabatzea erabaki du osoko bilkurak. Kenduko dituzten izenen ordezkoak aukeratzeko herritarrei galdetuko zaie; onartutako mozioaren arabera, kontsulta horri begira "emakumeek herriaren historian egindako ekarpenaren aitortza eta toponimia lehenetsiko dira", EH Bilduk berak jakinarazi duenez.

Erabakia gauzatzeko, lehenbailehen herritarren batzorde bat sortzea eskatuko dio koalizio abertzaleak Udalari. Batzorde horren zeregina litzateke kontsultarako data bat proposatzea, parte-hartze mekanismoak zehaztea eta kontsultaren galdera prestatzea, besteak beste.

EH Bilduk ez du argitu zein kaleri eragingo dion neurriak. Naiz egunkariak argitaratu duenez, multzo horretan daude Damaso Moja eta Jose Urrea kaleak, Gogora Institutuaren zerrendaren arabera. Beste iturri batzuek Jose Luis Goioaga kalea ere aipatzen dute.

Erlazionatuak

Frankismo garaiko sinboloak daude oraindino Getxon eta Erandion

Erandio Getxo

Gutxienez Frankismoari lotutako 186 ikur daude oraindino EAEn, 15 herritan banatuta, tartean, Erandion eta Getxon. Ikusi non dauden sinbolo denak h...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun