Frankismo garaiko sinboloak daude oraindino Getxon eta Erandion

Gutxienez Frankismoari lotutako 186 ikur daude oraindino EAEn, 15 herritan banatuta, tartean, Erandion eta Getxon. Ikusi non dauden sinbolo denak horretarako prestatu dugun mapa interaktiboan.

Eusko Jaurlaritzaren Gogora institutuak kaleratutako azken txostenean azaltzen denez, azken urteotan 1.523 elementu kendu dira. Hala ere, oraindino asko daude kentzeko; gehienak Etxebizitzaren Institutuko plakak dira.

Orain kaleratutako txostena 2016ko otsailean argitaratutakoaren jarraipena da; hala, urte horretan identifikatutako sinboloak jarraitzen duten edo ez jakin ahal izan da. Hala, Uribe Kostan aldaketak egon dira.

Erandion Etxebizitzaren Institutuko 22 plaka atzeman zituzten duela 3 urte eta, horietatik, 9 gelditzen dira oraindino; era berean "Erorien" gurutzeak jarraitzen du Axpeko dartsenan, baita Frankismoari lotutako kale biren izenak ere.

Getxon "Caídos por Dios y por España en Guecho” izeneko hilarriak oraindino bere horretan jarraitzen du Getxoko hilerrian, baita 2016an identifikatutako 13 plaketatik 3. Aldiz, martirien eta erorien omenezko monumentua kenduta dago daborduko.

Leioan, aldiz, 18 plaka aurkitu zituzten, eta horiek denak kenduta daude daborduko, baita Sopelan 2016an topatutako plaka denak ere; Plentzian duela hiru urte mantentzen ziren erretratuak eta ohorezko hiru dominak ere kendu dituzte.

Eusko jaurlaritzak gogoratu duenez, "sinbolo frankistak kentzea udalen eskumena da".

Erlazionatuak

Sinbologia frankista Gorlizetik kanpo

Gorliz

Daborduko ez da Francoren garaiko plakarik ikusiko Gorlizko kaleetan, ezta etxebizitzetako atarietan ere; izan ere, auzotar guztiek gelditzen ziren...
Plentziak domina kenduko die diktadura-garaian Udalaren aitorpena jaso zuten frankistei

Plentzia

Frankismoan hainbat pertsonari emandako bereizketak kenduko dituela iragarri du Udalak, "errepresaliatuen memoria" aldarrikatze aldera.
Sinbolo frankistak geratzen dira Erandion, Getxon, Leioan eta Sopelan

Uribe Kosta

Uribe Kostako lau udalerritan ikusgai dago oraindino diktadura frankistaren sinbologia, estatu-kolpe falangistatik 80 urte pasa direnean. Eusko Jau...