Oharrean azaldu dutenez, "Erandioko Udal Langileen Ordezkaritza Organoak aho batez eskatu die udal-agintariei, behin eta berriro, Udaleko lanpostu den-denei eustea, bai lanpostuen zerrendetan daudenei bai aldi baterako programen bidez betetzen direnei ere".
Ildo horretatik, azpimarratu dute Erandioko Udalean aldi baterako kontratua duten langile asko dagoela: "Bitartekotasun-tasa izugarria da, ia %40koa, egiturazko lanpostu asko aldi baterako programen bidez betetzen dira". Haien esanetan, Udal Gobernuak "prekaritate hori aprobetxatu du 'gastuak murrizteko', lanposturik ez galtzeko eskariari bizkarra emanda".
HIRUKAk galdetuta, gai honen gainean ezer esateko ez dutela adierazi dute udal-iturriek.
