Hiru puntu ditu aipatutako akordioak. Lehenengoak dio, esan bezala, aurtengoan beste helburu batzuetara bideratuko dela jaiak egiteko erabili ohi den dirua. Besteak beste, ostalariei, merkatariei eta egoera ahulenean dauden familiei laguntzera.
Bigarren puntuan azaldu dutenez, jaiak egitea egokitzen den datetan, eta"jai-espirituari" uko ez egitearren, bestelako ekintza xumeagoak egingo dituzte, betiere pertsonen arteko distantziari dagokion momentua momentuko araudia betez. Hirugarren puntua bigarrenaren ildotik dator, eta zehazten du Udalak eta jai-batzordeek elkarregaz jardungo dutela lanean prebentzio-neurriak bete daitezen, bereziki jende-pilaketak saihestuz eta segurtasuna lehenetsiz.
Udalaz gain, honako jai-batzordeek izenpetu dute testua:
- Faoeta
- Erandiogoikoa
- Goierri
- Kukularra
- Arriaga
- Asua
- Astrabudua
- Altzaga
- Enekuri
- Lutxana
