Koronabirusa Uribe Kostan

Lamiakoko jaiak, bertan behera

Lamiakon espero zuten mezua heldu da: maiatzaren 29tik 31ra bitartean aurreikusita zeuden San Maximo jaiak bertan behera gelditu dira COVID-19aren pandemia dela eta. Hala adostu dute auzo horretako jai batzordeak eta Leioako Udalak. "Osasunari lehentasuna eman nahi izan diogu", azaldu dute sare sozialetan zabaldutako oharrean.

Egunotan bizi dugun ezohiko egoera dela eta, Lamiakoko San Maximo jaiak bertan behera uztea erabaki dute auzo horretako jai batzordeak eta Leioako Udalak. Festak maiatzaren 29tik 31ra bitartean egitea aurreikusita zegoen, baina osasun-jarraibideek ez dituztenez jende askoko jarduerak baimentzen, ospakizunek ezin izango dute aurrera jo.

"Udalarekin batera, erabaki dugu osasun publikoari lehentasuna ematea, herritarrak babesteko beharrezkoak diren neurriak hartzearekin batera", azaldu dute jai batzordekoek ohar bidez. "Esperokoa zen, baina pena handiz hartu dugu erabakia. Hala ere, Lamiakoko jai batzordetik lanean segitzeko konpromisoa hartu dugu, egoera hobetzen denean lamiakotarrek merezi duten jaiak eskaini ahal izateko". Hala ere, horrek ez du baieztatzen jaiok urteon egin ahal izatea: "Ez dago gure esku eta Udaletik datozkigun neurriak jarraituko ditugu".

Lamiako maskaradaren artxiboko bideoak:

Erlazionatuak

Andra Mariko jaiak, irailean

Getxo

Getxoko Andra Mariko Jai Batzordeak aurtengo jaiak atzeratzea erabaki du: "Guztiok ezagutzen dugun egoeragatik eta gure festa maiatzean denez, ardu...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun