Koronabirusa Uribe Kostan

Koronabirusaren aurkako Talka Planerako milioi bat euro bideratuko du Udalak

© ERANDIOKO UDALA

Ostalaritza, merkataritza eta, oro har, hirugarren sektoreari laguntzeko iragarritako 200.000 euroko laguntza iragarrita zuen Erandioko Udalak. Gerora azaldu dutenez, milioi bat eurokoa izango da COVID-19 pandemiaren ondorioak arintzera bideratutako partida.

Talka Plana opini du martxan Udalak koronabirusak eragindako kalte ekonomikoei aurre egiteko. Diotenez, "merkataritzari eta langabeei laguntzeko neurri garrantzitsuak"  aurreikusten ditu plan horrek. Besteak beste, udal-zerbitzuek erosketak udalerreiaren barruan egiteko agindua aurreikusten da: "Adibidez, Obra Brigadak torlojuak behar baditu, udalerriko burdindegi batean eskuratuko dira".

Klausula sozial bat sortzea ere aurreikusten da, "baldin eta legeak onartzen badu herri-lanetako kontratuetan, enpresek Erandioko geralekuak edo langabetuak kontratatu ahal izan ditzaten, enpresaren eskakizunekin bat datorren kualifikazioa badute".

Udal-gobernuak azpimarratu du udal-kutxetatik eta "ahalegin handia eginez" hartuko duela plana gauzatzera bideratuko duen milioi hori. "Izan ere, nahiz eta soberakin bat izan, beste laguntza-lerro batzuei aurre egin ahal izateko, Foru Aldundiaren konturako ordainketak askoz txikiagoak izango dira", adierazi dute.

Maskara-banaketa

Bestalde, herritar bakoitzari maskara kirurgiko bi emango dizkiola iragarri du Udalak. Horietako bakoitza hamar aldiz erabili ahal izango da eta, zehaztu dutenez, zipriztinekiko erresistenteak dira, hau da, doministikuen bidezko kutsatzea eragozten dute.

Erlazionatuak

Udalak 200.000 euro emango ditu merkataritzari, ostalaritzari eta zerbitzuei laguntzeko

Erandio

Koronabirusagatik kolpe latza jaso du hirugarren sektoreak, eta honenbestez Erandioko Udalak jakinarazi du haren aldeko bonu-kanpaina ipiniko duela...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun