Bonuak atxikitako establezimenduetan erosi ahal izango dira, momentu eta leku horretan bertan trukatzeko. Kanpaina 2020 osoan egongo da indarrean, eta 200.000 euroko kostua izango du Udalarentzat. Gainera, merkatariei bestelako laguntzak emateko 70.000 euro bideratuko dituzte, eta hainbat tasa ordaintzeaz salbuetsiko dituzte hirugarren sektoreko enpresak.
Zehazki, datozen sei hilabeteetan ez dute zabor-tasarik ordaindu beharko, kaleko postuei dagozkienak hiru hilabetez egongo dira salbuetsita, eta terrazenak urte osoan. Tasa horien guztizko balioa 88.000 eurokoa dela adierazi du Udalak.
Osasun-krisiaren ondorioak arintzeko beste hainbat gasturen berri eman du Udalak, "elkarte, programa eta bestelako ekimenei laguntzeko", honako zerrendan ageri direnak:
- Sortarazi eta Cáritas: 5.000 € gehiago bakoitzari
- Gizarte-larrialdietarako laguntzak: 90.000 € gehiago
- San Jose egoitza: desinfektatzeko gastu bereziak, 6.000 €; ,maskarak, norberaren babeserako ekipoak eta beste materialak erostea: zenbatu gabe; langile gehiago harztea: 56.000 €
- Umeentzako diplomak: 453,75 €
- Herritarrentzako maskarak: 70.000 €
- Informazio-kartelak eta flyerrak atarietan: 1.271,23 €
- Material sanitarioa erosteko familientzako bonuak: 70.000 €
- Tuper solidarioa: 9.000 € gehiago
- Arreta psikologikoa: 22.000 €
- Erandio Marketing: 50.000 €
- Enplegu-plana: 350.000 €
- Fresko Bonua: 70.000 €
Horrez gain, kiroldegi eta musika-eskolarengatik kobratutako tasak itzuliko dituzte.
