"Pasibotasunak konplize egiten zaitu", aldarrikatu dute Erandioko azken eraso matxistaren aurkako elkarretaratzean

Argazkia: HODEI TORRES

Dozenaka lagun batu ziren barikuan Astrabuduako Josu Murueta plazan, egun bi lehenago emakume batek jasandako eraso matxistagatik protesta egiteko. "Zoritxarrez, ez da kasu isolatua", adierazi zuten, "egunero pairatzen ditugu emakumeok eraso matxistak: gutxiespenak, bortxaketak, irainak... Noiz arte?".   

Sistema kapitalista patriarkalak emakumeak "bigarren mailako herritar" bihurtzen dituela salatu zuten elkarretaratzearen antolatzaileek. "Pasibotasunak konplize bihurtzen zaitu", gaineratu zuten, baita azpimarratu ere "erasoei garrantzia kentzen zaienean, aitzakiak bilatzen direnean... sistema injustu hau" elikatzen dela.

Era berean, eguaztenean erasoa jasan zuen emakumeari elkartasunezko mezua helarazi zioten. "Kontrakoa irakatsi diguten arren, argi eta ozen diogu indartsuak garela, eta terrorismo matxistaren aurrean feminismoa dela gure arma!", gehitu zuten.  

Beste eraso bat zapatuan, elkarretaratzea bihar

Erandioko Mugimendu Feministak jakinarazi duenez, beste eraso bat izan da zapatuan, eta hori deitoratzeko beste elkarretaratze zaratatsu baterako deialdia zabaldu dute. Ekainaren 29an (astelehena) egingo dute, Erandioko metro-geltokiaren aurrean, 19:00etan hasita.  

Erlazionatuak

Elkarretaratzea egingo dute bihar Astrabuduan, eraso matxista bat gaitzesteko

Erandio

Erandioko Mugimendu Feministak elkarretaratzea egitera deitu du, bihar, ekainak 26, Astrabaduako Josu Murueta plazan, emakume erandioztar batek jas...
Atxilotu bat Erandion, sexu-erasoa egitea leporatuta

Erandio

Ertzaintzak gizon bat atxilotu du Erandion, sexu-eraso baten ustezko egilea izatea leporatuta, eitb.eus-ek jakinarazi duenez. 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun