Koronabirusa Uribe Kostan

Erandiogoikoako batzokia eta garagardotegia itxi dute lau positibo atzeman ondoren

Hainbat pertsonak COVID-19a detektatzeko PCR probetan positibo eman ondoren, Erandiogoikoako batzokia eta garagardotegia itxi zuten joan den barikuan, uztailaren 31n. Gutxienez lau kasu atzeman dituzte, horietako bi bertako langileak. Eusko Jaurlaritzako Osasun Sailak Eitbri azaldu diotenez, den-denek dute harremana batzokiagaz.

Erandioko EAJk jakinarazi duenez, joan den barikuan itxi egin zuten Erandiogoikoako batzokia eta garagardotegia, bertako langileen artean hainbat COVID-19 positibo atzeman ondoren. Gainerako langileei PCR probak datorren astean egingo zaizkiela azaldu dute sare sozialen bidez zabaldutako ohar batean. “Erakunde ofizialek agintzen dizkiguten protokolo eta neurrien” berri emango dute. Bestalde, bestelako “dispositibo berezirik” martxan jarriko ez dutela azpimarratu dute Osasun Sailetik.

Erlazionatuak

COVID-19agaz kutsatutako 11 pertsona hil dira azken astean Uribe Kostan

Uribe Kosta

Goranzko joera apurka-apurka baretzen doala dirudien arren, etengabe egin dute gora Uribe Kostan COVID-19agaz kutsatutakoen kopuruak. Irailaren 7ti...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun