Orain arte, 2017tik hona, EAEko hamasei udalerrik hartu dute parte zigilua lortzeko prozesuan. Aurten saiatuko direnetatik hiruk lehenengoz egingo dute, eta horien artean daude Berango eta Erandio. "ELoGE zigilua ezartzeko", azaldu du EUDELek, "Europako adierazleen tresna Euskadiko udalerrien araudi espezifikora eta errealitatera egokitu behar da. Helburu nagusia ez da aintzatestea lortzea, baizik eta udal-gobernuaren etengabeko hobekuntza sustatzea eta haren politika publikoak Europako kalitate demokratikoko estandar zorrotzenekin egokitzea".
Aurten moldaketak egin dira, pandemiak ekarritako egoera berrira egokitzeko, eta hala, ELoGEk "gardentasuna eta kontuak ematea, parte-hartzea, plangintza eta aurreikuspena eta iraunkortasuna ditu ardatz". Behin zigilua lortuz gero, bi urtean behin berritu beharra dago.
