Berrikuntzaren eta Gobernu Onaren ELoGE europar zigilua lortzen ahaleginduko da Udala

Aurtengo azken hiruhilekoan EAEko sei udalerriri ELoGE zigilua eskuratzen lagunduko die EUDELek. Horietako bat Berango izango da, irailaren amaieran aurreratu genuen legez, eta bestea Erandio. "ELoGE tokiko gobernuen bikaintasunaren eta kalitate demokratikoaren aintzatesterik handiena da Europan", EUDELen berbetan.

Orain arte, 2017tik hona, EAEko hamasei udalerrik hartu dute parte zigilua lortzeko prozesuan. Aurten saiatuko direnetatik hiruk lehenengoz egingo dute, eta horien artean daude Berango eta Erandio. "ELoGE zigilua ezartzeko", azaldu du EUDELek, "Europako adierazleen tresna Euskadiko udalerrien araudi espezifikora eta errealitatera egokitu behar da. Helburu nagusia ez da aintzatestea lortzea, baizik eta udal-gobernuaren etengabeko hobekuntza sustatzea eta haren politika publikoak Europako kalitate demokratikoko estandar zorrotzenekin egokitzea".

Aurten moldaketak egin dira, pandemiak ekarritako egoera berrira egokitzeko, eta hala, ELoGEk "gardentasuna eta kontuak ematea, parte-hartzea, plangintza eta aurreikuspena eta iraunkortasuna ditu ardatz". Behin zigilua lortuz gero, bi urtean behin berritu beharra dago.

Erlazionatuak

Berrikuntzaren eta Gobernantza Bikaintasunaren Europako zigiluan sartzeko prozesuan parte hartuko du Berangok

Berango

Berangoko Udalak ELoGE zigiluaren barruan egoteko egiaztatze-prozesuan parte hartzea erabaki du. Berrikuntzaren eta Gobernantza Bikaintasunaren Eur...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun