Goizeko 11:30ean zutabe bat aterako da bizikletaz Astik Herritik, eta, gero, 12:30ean, manifestazio jendetsua egingo dute Erandioko metroko plazatik abiatuta. Izan ere, Astika Herriaren eraisketa edozein momentutan egin dezaketela salatu gura dute auzotarrek.
Auzo autogestionatua desagertzeko arriskua dela eta, manifestazioa egin zuten urtarrilaren 11n ere bai. Baina mehatxua aurretik dator; izan ere, Erandioko udal-gobernuak (EAJ) eta Labartain S.L. enpresak iazko ekainean hasi zituzten auzoa eraisteko izapideak egiten.
Auzotarrek proiektua defendatzeko asmoa erakutsi dute, eta, horretarako, beste behin ere, manifestazioa egingo dute bihar, zapatuan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
