Ekainaren 12an

Astrabuduko hezegunearen balioa azaltzeko jardunaldia egingo dute domekan

Maiatzean egindako intsektuen hoteleko bisitariak ezagutu ahalko dituzte domekan. © HERRI BIDEAK KATE BARIK

Ingurumenaren Nazioarteko Eguna dela eta, Erandioko hainbat elkartek Astrabuduko hezegunearen balioa aldarrikatzeko jarduerak antolatuko dituzte domeka goizean, ekainaren 12an. Alde batetik, helduentzako bisita gidatua egingo dute hezegunearen balioa eta egungo egoera azaltzeko, eta, bestetik, umeentzako jolasak egongo dira, gaztetxoek ere hezegunea bertatik bertara ezagutu dezaten.

Herri Bideak Kate Barik elkarteko kideak dira ekimenaren antolatzaileetako batzuk, eta, azaldu dutenez, beraien helburua da hezegunearen garrantzia aldarrikatzea, eta bertako flora eta fauna ezagutzera ematea; izan ere, duela gutxi egindako azterlanek arrain arantzadunaren eta babestutako burruntzi espezie baten presentzia adierazi dute, besteak beste. Era berean, inguru horren egungo egoera kaxkarra ere azaleratu gura dute, ur beltzek eragindako kutsadurak eta legez kanpoko baratzeek hezegunea hondatu eta lehortu baitute, ekosistema andeatuz.

"Hezegunea ekintza txikien bidez berreskuratu daitekeela azalduko diegu bertaratzen direnei, gaur egun, ingurua nahiko hondatuta baitago", iragarri dute antolatzaileek. Horretarako, 11:15ean bisita gidatua egingo dute hezegunea aztertzen egon diren adituen azalpenakaz.

Aldiz, 11:30ean, sei eta 14 urte bitarteko gaztetxoentzako ginkana bat egingo dute hezeguneko ingurua ezagutzen duten bitartean ondo pasa dezaten. Horregaz batera, beste ekintza batzuk ere egingo dituzte, hala nola maiatzean eraikitako intsektuen hoteleko bisitarien berri emango diete umeei.

Erlazionatuak

Astrabuduko hezegunea babesteko beharra adierazi dute auzokideek eta talde ekologistek

Erandio

Erandioko Udalak Astrabuduko ibarreko hezegunearen balioa eta bertako fauna eta floraren berri emateko informazio-panel bat jarri du. Auzo-elkarte ...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun