Ekainaren 8an egindako Erandioko Udaleko Bozeramaileen Batzordeak Berangoko Alconza enpresako langileen egoerari buruzko adierazpen instituzionala egin zuen. Adierazi zuten daborduko 25 kaleratze eragin dituen enplegua erregulatzeko espedienteak oso eragin negatiboa izango duela eskualdean, "bai lan-arloan, bai gizarte mailan ere".
Hori dela eta, langileei "erabateko elkartasuna" helarazi diete, eta Alconza Irizar Groupeko enpresako zuzendaritzari eskatu diote "diagnostiko sakon bati ekitea, langileentzako ondorioak minimizatzeko, eta, ondorioz, industria-plan bat egin dezala helburu horrekin". Era berean, azpimarratu dute lanpostuen galera azken baliabidea izatea negoziazio-prozesuaren barruan.
Udalbatza osatzen duten EAJ, PSE-EE, EH Bildu eta Elkarrekin Podemos alderdi politikoek izenpetu dute adierazpena.
