Erandioko Udalak eta tokiko emakumezkoen futbol taldeak bat egin dute gaur Astrabuduan herriko mugimendu feministak deitutako elkarretaratzean. Bertan batutako herritarrek Leioan duela hainbat urte jazotako sexu-erasoak salatu dituzte.
Erandioko mugimendu feministak deituta, elkarretaratze jendetsua egin dute gaur Astrabuduko Josu Murueta plazan, 20:00etan. Bertan, 49 urteko entrenatzaile ohi bati leporatu dizkioten hainbat sexu-eraso deitoratu dituzte.
Erandioko Udalak bat egin du deialdiagaz, baita tokiko emakumezkoen futbol taldea ere. Lehenengoan ordezkaritza duten alderdi guztiek izenpetutako agirian atzo jakinarazitako emakume eta nesken aurkako eraso matxistak "erabat arbuiatu" dituzte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
