Goiherri sokatira taldea Herbehereetan dago Lur Gaineko Munduko Sokatira Txapelketan lehiatzeko

Euskal Herriko sokatira-taldeetako ordezkaria Loiuko aireportuan, Herbehereetara abiatu aurretik. © GU ERE BAI!

Goiherri Tug Of War sokatira taldea gaurtik domekara bitartean Holtenen (Herbeherak) jokatuko den Lur Gaineko Munduko Sokatira Txapelketan egongo da. Beraiekaz batera, Gaztedi eta Mutrikuko taldeak ere joan dira taldekako lehian aritzeko eta euskal selekzioan herrialdekoen artean parte hartzeko.

Gaurtik domekara bitartean, hilaren 15etik 18ra, Erandioko Goiherri taldeko sokatiralariak Holtenen egongo dira lehiatzen mundu osoko beste 91 talde izango dira txapelketan; horien artean, Mutriku (Gipuzkoa) eta Gaztedi (Laukiz, Bizkaia) talde euskaldunak ere egongo dira erandioztarrakaz batera. Iaz, Getxoko Fadura kiroldegian jokatu zen Munduko Lur Gaineko Sokatira Txapelketan lortutako hiru dominak gogoan izanda, Basque Country selekzioa ere lehiatuko da Herbehereetan egingo den txapelketan.

Aurtengo lehia handiagoa izatea espero dute antolatzaileek, COVID-19aren ondorioz iaz ezarritako murrizketak desagertuko baitira, eta, ondorioz, talde eta kirolari gehiagok parte hartuko dutelako direlako.

Taldekako lehiaketan honako kategorietan parte hartuko du Goiherrik: gizonezkoetan, seniorretan eta 23 urtez azpikoetan 560 kilogramo eta 600 kilogramo, hurrenez hurren; emakumeak 500 kilogramo; mistoa 560 kilogramo eta junior mistoa 520 kilogramo.

Horretaz gain, Goiherrik Basque Country selekzioa ordezkatuko du 23 urtez azpikoen kategoria guztietan. Selekzioen kategorian hemezortzi talderen aurka, arituko dira, tartean, Suitza, Ingalaterra, Eskozia, Taiwan, Herbehereak edo Alemania izango dituzte aurrez aurre.

Erlazionatuak

Basque Country selekzioak hiru domina eskuratu ditu Sokatira Mundialean

Erandio Getxo

Egunotan, Getxoko Fadura kiroldegian jokatu den Lurreko Munduko Sokatira Txapelketaren balorazio bikaina egin dute antolatzaileek; gainera, euskal ...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun