Dozenaka herritar batu dira Altzagako Tartanga kalean gaur egin behar zuten etxegabetzea salatu eta kaleratuari elkartasuna adierazteko. Ertzaintzako eta Erandioko Udaltzaingoko hainbat agente ere bertaratu dira, eta hasieran batean inolako esku-hartzerik egin ez duten arren, azkenean auzokideen kontra oldartu dira agenteak.
Bilboko Kontseilu Sozialistaren Etxebizitza Sindikatuak eta Uribe Kostako Gazte Koordinadora Sozialistak egin dute elkarretaratze-deialdia. Batutakoen artean etxegabetzeen eta La Caixa banketxearen aurkako aldarriak egin dituzte.
Azkenean, Ertzaintza indarrez sartu da etxebizitzaren atarira eta bildutako herritarren aurka oldartu da pic.twitter.com/FJLxBo3zMT
— Hiruka (@HirukaEus) May 25, 2023
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
