Altzagan, Astrabudun eta Erandiogoikoan suaren inguruan emango diote ongietorria udaldiari

Ander Zarraga 2023ko eka. 22a, 18:40
Deskargatu Info Ahotsak :
es en fr

Tartangako berdegunean sua pizteagaz batera ikuskizuna ere eskainiko dute.

Bihar, San Juan bezpera da, suaren inguruan bilduta udaldiari ongietorria emateko eguna. Erandion, Astrabuduko skate park inguruan egingo dute sua 22:00etan, baina aldez aurretik, 18:30ean hasita, hainbat jarduera egingo dituzte auzoan, hala nola umeentzako jolasak eta kalejira. Erandiogoikoan, aldiz, Jaien plazan elkartuko dira suaren inguruan txokolate beroa hartzeko 20:30ean.

Altzagaren kasuan 19:30ean elkartuko dira Irailaren 23a plazan eta dantza emanaldiak egingo dituzte bertan. Horren ostean, kalejira egingo dute Tartangako berdeguneraino, eta, bertan, 22:00etan, sua piztu eta ikuskizuna eskainiko dute txokolate beroagaz batera.

 

Jendartea Erandio
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun